骨付鳥，即是雞脾，是香川縣數一數二的美食，但唔係平民美食黎架喂，HKD$70 一隻呀！它體積比我一般吃到的要大上30％，而且中間一定會切開，露出骨頭，並且要反轉上碟，雞皮向下，還必定配上一碟生椰菜。高松最出名的骨付鳥有兩間，「寄鳥味鳥」和「一鶴」，想比較就跟我一樣食哂兩隻。

日本有交通工具係不準時架！高松機場巴士居然足足早了五分鐘開車，但我多謝佢都黎唔切，他的安排反而最終可以讓我依時到達高松市區。原來，高松機場巴士的時間表是為配合航班而設，大家落機不用衝閘，先去入境大堂的自動售票機買票才去坐車，高松機場→高松駅 (780 yen)，車程45分鐘，座位唔夠，會加開班次，安心上路。